Chapter 49-Palihim na pagsunod

"BANTAYAN mo ang bawat kilos ni Yazed. Alamin mo kung sino ang nakakausap niya lalo na sa mobile phone nito." Utos ni Edwin sa isang tauhan.

"Masusunod, boss! " tumango si Robert kay Edwin. Matagal na rin siya sa grupong ito at masaya siya dahil binigyan siya ng magandang role sa trabaho ngayon ng pinuno nila.

"Huwag kang gumaya sa kapalpakan na ginawa ng iba diyan! " pahabol na bilin ni Edwin sa lalaki.

Naikuyom ni Dino ang mga kamay at nagkunwaring walang narinig. Alam niyang siya ang pinapasaringan ni Edwin. Isinisisi niya ang lahat ng ito kay James. Mula nang dumating ito ay puro kamalasan na sa buhay ang inabot niya. Naipangako niya sa kaniyang sarili na gagawin niya ang lahat upang mapatunayan ang masama niyang hinala sa tunay na pagkatao ni James.

Kahit walang utos ni Edwin ay palihim na sinundan ni Dino si James. Alam niyang malakas ang pakiramdam nito kaya nag doble ingat siya upang hindi nito mapansin ang pagsunod niya sa bawat galaw nito.

Muling nakipagtalo si Yazed sa ama