Chapter 50-Pagpili

ALAM ni Jenny na wala sa kanilang mansyon ang pinsan at ang ina nito kaya nagpasya siyang balikan ang bagay na kailangan niyang makuha roon. Hindi na siya nagpaalam kina Sasha at Dexter dahil hindi siya papayagang aalis na mag-isa.

Dumaan siya sa likod na bahagi ng mansyon. May puno doon at madali lang sa kaniya ang pag-akyat hanggang makalipat sa bakod mataas na bakod. Bago tumalon sa loob at sinipat muna ang paligid kung mayroong umaaligid na bantay. Malalim na ang gabi kaya sigurado siyang tulog na ang tatlong katulong at isang guard sa gate. Itinali niya ng mahipit ang lubig na dala sa puno at iyon ang ginamit padausdos pababa sa bakod.

Hindi nahirapan si Jenny sa pagpasok sa pintuan mula sa kusina kahit naka kandado pa iyon. Walang ingay na nabuksan niya iyon gamit ang bagay na dala niya upang mabuksan ang pintuan. Patingkayad ang lakad hanggang sa marating ang dating silid ng mga magulang.

Naikuyom ni Jenny ang kamao nang makita ang mukha ng tiyahin sa picture frame na nakasabit