Chapter 52-Tagumpay

MABILIS na nadampot ng kapulisan sina Jackie at Edwin. Kasama rin si Jennelyn kahit sinasabi ng mga ito na walang kinalaman ang dalaga sa nangyaring krimin.

"Jenny, patawarin mo ang pinsan mo kahit hindi na ako." Pakiusap ni Jackie sa pamangkin nang magharap sila sa korte.

"Walang kapatawaran ang ginawa ninyo ng hayop mong kalaguyo! Wala kang puso at pati ang anak mo ay kinasangkapan mo pa upang makuha ang yaman na hindi sa inyo!" namumuhing sumbat ni Jenny sa tiyahin.

Napayuko ng ulo si Jackie at hindi magawang salubungin ang nag-aapoy sa galit na mga mata ng dalaga. Napaluha siya para sa kaniyang anak. Hindi niya pinangarap na makulong lalo na ang anak. Tumingin siya kay Edwin, bagsak ang mga balikat nito at hindi rin magawang tumingin kay Jenny. Ngayong araw ipapataw ang sentinsya sa kanilang kaso.

"Daddy, ayaw ko pong makulong!" umiiyak na kausap ni Jennelyn sa ama. Tanging siya lang ang nakapag pyansa noong mahuli sila ng pulis. Pero ang mga magulang ay walang pyansa dahil mabiga