Chapter 47-Pagkatuklas sa tunay na pagkatao

"Huwag mo silang pagkaabalahan dahil masasamang tao sila."

Marahas na nilingon ni Dexter ang taong nagsalita. Nasa bukana ito ng pintuan at nakapamulsa. "Ikaw?!"

Tumuloy na sa pagpasok si James sa loob. Siniguro niya kanina na walang nakasunod sa dalawa kaya nahuli siya ng pasok sa bahay. Nilapitan niya si Lando at inalis ang busal sa bibig nito.

"Pero bakit binihag niyo sila kung masama palang tao?"

"Kinidnap nila kami kaya tulongan mo kami, Sir Dexter." Parang batang pagsusumbong ni Lando sa inaakalang kakampi.

"Siraulo!" binatukan ni James si Lando. "Ano ka, mayaman para kidnapin?"

Kahit may takip ang mga bibig ng tatlo pang bihag ay makikita na tumatawa ang mga ito dahil sa joke ni James.

"Sino ba talaga kayo at bakit ninyo ako tinutulongan?" nalilito pa rin si Dexter.

Sa halip na sagutin ni James ang tanong nito ay ang mantsa ng dugo sa damit nito ang napuna niya. Magtatanong na sana siya nang marinig ang sigaw ni Sasha.

Sabay na napatakbo sa silid ang dalawa at sinilip ang nangy