Chapter 42-Pagsuko ng sarili

PAGPASOK ni Yazed ng bahay nila ay tahimik na ang paligid. Malalim na rin ang gabi kaya tulog na ang karamihan maliban sa isang katulong na sadyang naghihintay sa kaniyang pag-uwi.

"Good evening po, Sir. Ipaghanda ko po ba kayo ng makakain?" magalang na tanong ng katulong sa binata.

"Huwag na po kayong mag-abala pa, Manang. Kumusta po si Mommy?" tanong niya dito habang isinasandal ang likod sa sandalan ng sofa.

"Nakita ko pong ipinagluto siya ni Kailani ng pagkaing gusto nitong kainin."

"How about her?"

"Sino po?" nalilitong tanong ng may edad ng katulong sa binata.

"Si Kailani, kumain po ba siya?"

Matipid na ngiti ang sumilay sa labi ng ginang. Kung wala lang Jenny sa buhay ng alaga ay masasabi niyang may spark sa pagitan ng dalawa.

"Kasabay ko siyang kumain kanina pero hindi niya naubos ang pagkain." Nagsasabi lamang siya ng totoo sa binata. Tinanong niya kanina si Kailani kung hindi ba nito nagustohan ang pagkain. Ang sagot lang nito ay busog pa ito.

Mabilis na tumayo si Yazed,