Chapter 41-Pilosopo at selos

"KAILANI, gusto ka daw makausap ni Sir Yazed." Tawag ng isang katulong sa dalaga habang hawak ang landline ng telepono.

Biglang tumahip ang dibdib ni Jenny pagkarinig sa pangalan ng binata. Maghapon din itong walang paramdam sa kaniya dahil abala ito sa opisina. Pero nakatapos na sila maghapunan ay hindi pa ito umuuwi. Gusto na sana niyang magtampo dito dahil mukhang nakakalimutan na siya kapag kasama nito ang kaniyang impostora.

"Hey!"

Napasimangot si Jenny nang marinig bungad na bati sa kaniya ni Yazed. Ang lagom na boses nito mula sa kabilang linya at medyo maingay sa paligid nito.

"Kumain na ba kayo ni Mommy?"

Pormal pa rin ang boses ng binata sa pakipag-usap sa kaniya. Hindi niya tuloy alam kung ano na ba ang level na ng relasyon nila. Bago pa makasagot sa binata narinig niya ang boses ni Jennelyn.

"Yazed, ese-serve na ang pagkain." Malambing ang boses na tawag ni Jennelyn sa binata. Nagpaalam ito kanina sa kaniya na may tatawagan lamang. Pero hindi niya nagustohan na dumistans