Chapter 38-Kakaibang tingin

"JEN.. NY.." Tawag ni Amber sa dalaga nang mamulatan ito ng mga mata. Nagtatanong ang tingin niya dito at kinakamusta.

"Ayos lang po ako kaya huwag kayong mag-alala." Nakangiting ginagap ni Jenny ang isang palad ng ginang.

Humulma ang matipid na ngiti sa labi ni Amber at gumanti ng pagpisil sa palad ng dalaga. Naputol ang pag-uusap nila ni Jenny nang muling bumukas ang pintuan at iniluwa niyon si Yazed. Napansin niyang may nagbago sa kinikilos na anak lalo na sa panlalamig nito sa tunay na si Jenny. Hindi nito kinakausap ang dalaga at halatang umiiwas.

Nagmatigas din si Jenny sa binata at iniirapan ito sa tuwing magtagpo ang kanilang mga paningin. Hindi rin nagtagal doon ito at mukhang may bisitang hinihintay.

"Darating po si Attorney at kasama ang isa pa sa kaibigan namin kaya maiwan na muna kita dito." Paalam ni Yazed sa ina.

Napairap na lamang si Jenny sa likod ng binata bago pa nito naisara ang pintuan. Pagbaling niya ng tingin sa ginang ay nahuli niya itong nakangiti at nanunuks