Kabanata 045

SA LOOB NG ROOM NI AMELIA

Narinig ni Ian at Sophia ang mahinang katok muna sa pintuan ng silid kung saan nila hinihintay si Amelia. Pinagbuksan naman kaagad ito ni Ian. Hinatid na ng mga nurse si Amelia sakay ng stretcher. Malaki niyang ibinukas ang hawi ng pintuan para hindi mahirapang maipasok ng mga staff ng ospital ang stretcher ni Amelia. Medyo nakamulat pa ito pero groge pa rin siya sa mga gamot na itinurok sa kanya. Pipikit-pikit pa ang mata nito. Ng mailipat siya sa kanyang bed ay nagpasalamat naman ang mga kaibigan niya sa mga nag-assist na mailipat si Amelia. Inabutan pa ito ng tag 100 pesos ni Sophia. Nang makaalis na ang mga staff ay isinarado na ni Sophia ang pinto. Nilapitan nila ang kaibigan , kinakamusta ito ni Ian dala ng pagka-groge nito sa gamot ay kung ano -ano ang sinasabi ni Amelia sa kanila. Inaangal nito sa kanyang mga kaibigan ang pamamanhid pa ng pang ibabang bahagi ng kanyang katawan. Pinuntahan naman kaagad ni Sophia ang nurse station at tinanong ang tungko