Kabanata 096

ARAW NG OPERASYON NI NOAH

Ipinasok na nga ng Operating Room si Noah. Matapang na humarap ang bata sa kanyang pagdadaanang madugong operasyon. Nakangiti pa siya sa amin at kumakaway habang ipinapasok na siya ng mga nurse sa loob ng silid na iyon. Dahil sa murang edad pa ni Noah hindi niya alintana ang panganib ng pagdadaanan niyang operasyon. Mula naman sa labas ng operating room ay nagdadasal kami nila Mommy na maging maayos ang magiging resulta ng operasyon niya. Batay sa paliwanag sa akin ni Doctor Hernandez risky ang operasyon na gagawin nila para kay Noah. Matapos ang magiging operasyon niya ay kakailanganing i monitor siya sa recovery room ng 3 hanggang 4 na oras bago ito tuluyang ilipat ng kanyang silid. Dahil na din sa matinding pag-aalala namin ni Mommy ay matiyaga kaming naghintay sa tapat ng pintuan ng operating room kung saan pinasok si Noah, matiyaga kaming naghihintay ng kahit na anong magiging balita mul sa mga nurse at doctor ni Noah na nagsasagawa ng kaniyang brain o