Chapter 13 (12) His Sweet Wife

Chapter 13 (12) His Sweet Wife

(Sasa POV)

“Dra. William may naghahanap sa inyo sa labas.” Napatango naman ako sa kasamahan ko, at bago ako sumunod, tinapos ko na muna yung check-up ko sa isang batang babae. Sa mga isinulat ko sa papel, alam na ng team ko ang gagawin dito. Sa sobra akong nanabik na makita nga kung sino itong naghihintay sa akin sa may temporary lounge na ginawa dito sa lugar.

Alam kong si Sayruz ang naghihintay sa akin.

Ngunit nagulat ako kung sino ang naghihintay sa akin. Si Dr. Cabredo, Jr. “Anong kailangan mo? tapos na ba kayo sa mission niyo? Diba ikaw yung namumuno sa kabilang team?”

Ngumiti lang ito sa akin. “Ang sabi, di kalayuan dito may lugar na pwedeng magpalipas ng oras. Hindi kalayuan dito, at exclusive member lang ang nakakapasok doon Dra. William. Ayaw mo ba?”

“Hindi ko kailangan niyan sa ngayon. Gusto ko na tapusin ang Health Mission na ito.”