Chapter 18 (6) Losing Hope

Chapter 18 (6) Losing Hope

(Sayruz POV)

“Bakit kasi sa dinami-daming tao dito sa mundo, ako pa talaga ang dinapuan ng sakit na ito. Di ko tuloy alam na ang ginagawa ko sa tuwing inaatake ako ng aking sakit. Hayaan mo iho, makakahanap ako ng paraan para nga makuha ang hinihinging halagang pera sa hospital. Ma-ooperahan din ako. Hindi ko pa nais iwan ang pamilya ko, gusto ko pang mabuhay at makita man lamang ang apo ko sa inyo ni Angie.”

“Pa…” Si Angie kasama ang kanyang ina na palapit sa amin. Kaagad na lumapit si Angie sa kanyang ama at niyakap ito. “Pasensya na ho kung—.”

“Shhh. Wag kang ganyan Angie. Tignan mo mawawalan ka sana ng asawa dahil sa pag-aalala mo sa akin.” Pinigilan na lamang ni Angie ang kanyang sarili. “Marami ang nangako sa akin na tutulungan ako sa operasyon ko. Natutuwa nga ako kahit paano, dahil naalala nila kami. Saka sabi ng mga kumpare ko dahil malapit na ang eleksyon, maari akong makahingi ng tulong sa mga tatakbong politiko. Kaya wag niyo nang isipin. Angie,