CHAPTER 102 - Misinterpretation And Misunderstood

Kinabukasan ay maagang-maaga pa nang magising si marigold, ngunit dumadaing ito.

"Marigold, gising ka na ba?" Nagising si nanay sela na noo'y naka-tungo't nakatulog sa gilid ng kama. Nakita niya ang pag-ngiwi ng dalaga. "Bakit? May sumasakit ba sa 'yo? Saan?"

Tumango-tango lang ang dalaga, ngunit hindi n'ya masabi-sabi kung ano at saan ang masakit sa kanya dahil nahihiya ito'ng sabihin.

Nguni't napapa-isip si marigold kung bakit bigla na lang sumakit ang lugar na iyon sa kanya. 'Bakit ang sakit ng ibaba ko? at parang doon pa mismo sa....'

"Sandali lang ha, tatawag ako ng doktor para matingnan ka, baka kung ano na 'yan."

"N-nanay Sela, t-teka..." Hindi na ito nagawang tawagin ni Marigold nang makalabas agad si nanay sela.

Napahimas na lang siya sa kanyang noo. Tumayo siya't nagtungo sa banyo.

Maya-maya ay dumating na si nanay sela kasama ang lalaking doktor.

"Ah!"

Biglang nakarinig ng pagsigaw ang matanda at ang doktor. Agad lumapit si nanay sela sa pinto ng banyo at kumatok