CHAPTER 119 - His Return And Her Heartache

Nagimbal si Marigold sa sinabi ni Chardon. Ngayon, bukod sa paghawak at paghila sa damit ng binata ay pinag-hahampas na rin niya ito sa dibdib. "Anong sabi mo, ulitin mo nga! Ano'ng sabi mo?!"

Nangunot ang noo ni Mr. Javier. Suportado nito lagi ang amo ngunit hindi sa pagkakataong ito. "Sir, Naghintay si Marigold sa 'yo't umasa, hindi ka ba naaawa sa kanya? pinapasamâ mo lang lalo ang loob n'ya. Saka akala ko ba ay gusto mo siyang protektahan–"

Sinamaan nang tingin ni Chardon ang assitant. "Jonathan..." Awat niya dito. Kung nasa kumpanya sila nito malamang ay patawan ito ni Chardon nang parusa, tila nalimutan kasi nito ang naging usapan nila.

Hinayaan lang ni chardon ang ginagawa ng dalaga. Ibinaling nito sa iba ang kanyang ulo upang iwasan ang nakaka-awa't may pang-uusig nitong mga tingin. Hindi mapigilang lumambot ang kanyang kalooban ngunit kailangan niya itong tiisin.

"Bakit hindi ka magsalita?! Bakit hindi mo sabihin kung ano ang ginawa ko para makipag hiwalay ka sa 'kin?!