CHAPTER 120 - His Come Back

Tanghali na at sikát na araw ngunit nakahiga pa rin si Marigold. Hindi ito nakatulog kagabi. Nangingitim at namamaga ang mga mata nito na hindi malaman kung dahil ba sa pag-iyak o dahil sa hindi pagkakatulog.

Nakatagilid ito habang pinagmamasdan ang kanyang cellphone na patuloy lang sa pagri-ring. Nang makitang si Mr.javier ang tumatawag ay tila tinatamad itong sagutin iyon, ibang tawag kasi ang kanyang inaabangan.

Maya-maya ay tumigil rin ang pag-ring. Bumuntong-hininga na lang si marigold. 'Mukhang nagsawa na rin si Mr. Javier.'

Hindi nagtagal ay muling nag-ring ang kanyang cellphone. Nang makita ang isang hindi rehistradong numero ay napabalikwas si marigold nang bangon. Inakala niyang baka si chardon iyon na nag-iba lang ng numero.

Na-excite ang dalaga at inihanda ang sarili. Mukhang ito na ang hinihintay niyang tawag. Nilinis niya ang kanyang lalamunan at sumagot. "He-hello chardon?"

Nadismaya si Marigold nang marinig ang pagtikhim at pagsagot ng isang may-edad na lala