CHAPTER 97 - Pretension And Disappointment

Matapos makipag-usap sa 'Madam' sa kanyang telepono ay umalis si Mona para kitain ito sa isang café. Mula nang magkaroon ng ugnayan dito ay malakas na ang loob ni Mona na um-absent o mag-half day dahil tiyak na hindi siya masho-short sa kanyang pangangailangan.

"Ano? Kamusta? May improvement ba? Kumakalat na rin ba 'yon sa labas?"

Nailapag ni Mona ang tinidor at nag-aalangang tumingin sa kaharap sa pag-aalala'ng baka magalit ito. "E madam, ikinakalat ko naman po kaya lang, hindi ko alam kung bakit nagkaka-error at ayaw ma-post e."

"Ganu'n?" Sumubo ito ng cake. "Baka naman sira na ang cellphone mo?"

"H-Hindi po, meron lang po talagang problema." Paliwanag ni mona. 'Paano naman masisira ang cellphone ko, e kabibili ko lang nu'n?'

"So, hindi mo kayang gawin, ganu'n ba? Sabihin mo lang at maghahanap ako ng–"

"N-naku madam, hindi sa ganu'n!...." Agad na kontra ni Mona sa pag-aalala'ng baka anumang oras ay magbago ang isip ng kausap at humanap na lang ito ng iba.

"Then, kailan ko malal