Chapter 18

HINDI nakita ni Liza si Mica maghapon sa hotel nang Sabado. Ayon kay Lara, nahuli raw nitong nagtatalo sina Mica at Midnight noong Biyernes ng hapon sa lobby. At biglang nag-walk out si Mica, galit na galit kay Midnight.

Ang akala pala ng ibang staff sa hotel ay girlfriend talaga ni Midnight si Mica. Pero may iilang alam kung ano ang totoo. Naglipana rin talaga ang mga marites sa hotel. Kaya hindi puwedeng padalus-dalos siya roon. Konting kibot lang, kakalat sa buong gusali ang balita.

Kahit nga ang madalas pagsasabay nila ni Richard sa lunch, maging ang pag-uwi nila ay napapansin ng mga empleyado. At iginigiit ng kasama niya sa kitchen department na may relasyon sila ni Richard. Ang daming isyu pero wala siyang pinansin. Alam naman niya kung ano ang totoo.

“May anak ka pala, Liza?” manghang sabi ni Lara nang magkasabay sila sa locker. Off duty na nila.

“Oo, nag-limang taon lang last month,” aniya.

“Ah, kaya pala nagkaproblema sa leave mo. Nagalit tuloy si Ma’am Mica at Rita dahi