Chapter 60

NANG sabihin ni Liza kay Midnight ang tungkol sa lola nito ay biglang umalis. Bumiyahe ito pabalik ng Maynila pagkatapos nilang naghapunan. Inatake na naman ng nerbisyos si Liza. Hindi na siya nakatulog kakaisip sa sitwasyon nila. Natitiyak niya na nahihirapan na rin si Midnight.

Kinabukasan na bumalik si Midnight at nagpasya si Liza na uuwi na sila ng Maynila. Wala rin namang nagbago sa nararamdaman niya. Lalo lang siyang na-stress.

“Babalik na lang ako sa trabaho,” sabi niya nang lulan na sila ng kotse pabalik ng Maynila.

“You need more rest, Liza,” ani Midnight; nagmamaneho ito.

“Mas lalo akong stress na walang ginaggawa. At saka sabi mo maraming trabaho sa hotel.”

“Are you sure? Kaya mo nang magtrabaho?”

“Oo naman.” Malapad siyang ngumiti upang maitago ang pagkabalisa.

“Okay, but you will stay in my office and don’t work much.”

Tumango lang siya.

Pagdating sa condo ay umalis din kaagad si Midnight. May meeting pa umano ito at gabi na makauuwi. Ang sabi nito, okay naman da