Chapter 59

NAKATATLONG dial na si Midnight sa numero ni Liza ngunit hindi ito sumasagot. May missed call ito, sa oras na nasa meeting siya. Lunch time na pero hindi pa tapos ang pinipirmahan niyang papeles. Dapat ay nasa hotel na siya nang mga oras na iyon dahil nag-set siya ng meeting after lunch.

Hindi na niya pina-report si Richard sa hotel sa inis niya. Kung anu-ano ba naman ang naikuwento nito sa lola niya. Dahil sa tensiyon ay pinabalik ng nurse sa ospital ang lola niya dahil tumaas ang presyon.

Richard didn’t care about his grandmother’s health condition. Alam niya na may sama ng loob ito sa lola nila dahil sa hindi naibigay rito ng ginang ang gusto nito. At pipilitin ni Richard ang lola niya na bawiin sa kaniya ang hotel, kaya patuloy siya nitong sinisira.

Bumiyahe na siya papuntang hotel at muling tinawagan si Liza. May sumagot pero boses ng bata.

“Samara?” untag niya.

“Daddy?”

“Yes, it’s me. Where’s your mommy?”

“Uh…. she’s sleeping.”

“What? Hindi ba nasa grape farm kayo?”

“Opo