Chapter 20

“Kailangan mo muna magpalamig sa mga mata ni Octavio. . . Ngayong alam na niya na bumalik na ang ala-ala mo at nandito ka na sa Denmark ay hindi ka niya titigilan. Alam mo yan. Pati si Jonas ay ipinapahanap ka na rin.”

Inalis ni Louise ang tingin sa mga halaman sa hardin ng rest house kung saan sila namamalagi ngayon. Binalingan niya si Joseph sa kanyang tabi at kinuha rito ang blue print ng palasyo ng Amalienborg na nasa loob ng brown na envelope.

Natutulog pa siya nang gisingin siya ng kanyang ina dahil sa pagdating dito si Joseph. Inutusan ito ni Olga para sabihin ang personal nitong mensahe para sa kanya. Gusto ni Olga na gawin niya ang pagtakas kay Yasmin at sa Lolo nila sa araw ng state visit dito sa bansa dahil iyon lang ang tamang pagkakataon para sa kanila.

Limang araw bago ngayon ay ang petsa ng state visit. Tamang-tama lamang iyon para pagplanuhan niya nang mabuti ang mga dapat gawin. Malaki rin tulong ang blue print na ipinadala ni Olga sa kanya para alam niya kung saan si