Kabanata 17 Rough and Wild

Hindi siya nakatulog magdamag. Hindi umuwi si Liam at hindi din ito sumasagot sa mga tawag at message niya. Nag-aalala siya ng sobra at baka kung ano na ang nangyari sa asawa. O baka kasama nito si Ava. Nilalamon ng selos ang puso niya. Takot at selos, nakakamatay na kombinasyon. Isama mo pa ang galit.

Uminom siya ng kape. Wala siyang ganang kumain. Biglang tayo niya ng may kumatok. Baka si Liam na ito. Muntik niyang maibuga ang kapeng iniinom pagkakita kina Andrei at Gemma sa tabi ni Nessa. Magulo ang kanyang buhok at lumang t-shirt ni Liam ang suot niya. Bakas sa mukha ng mga ito ang awa sa itsura niya.

Bumili ng almusal nila si Nessa. Nakaharap na sila sa mesa at kumakain.

“Kumusta ka na friend? Okay ka lang ba?” tanong ni Gemma na hinawakan ang kanyang balikat.

Ngumiti siya upang makumbinsi ang kaibigan na okay lang siya. “Oo, okay na okay ako. Mababait ang mga tao dito.”

“Ikaw, bebe Andrei, kumusta ka?” Kumapit si Nessa sa braso ng binata.

Hindi nito pinansin ang paglalambing ng