Kabanata 24 Unlucky and Unhappy

Natulala ang binata sa ginawa niya. Idinikit niya ang kanyang labi sa labi nito. Iginalaw niya ang ulo, kaliwa at kanan. Hindi niya alam kung tama, ngunit ganito naman ang napapanood niya. Parang naengkanto si Andrei. Hindi ito gumagalaw. Naalala niya na ginagamit din ang dila sa paghalik. Inilabas niya ang dila. Teka, bakit lasang dugo?

Inilayo niya ang mukha at nakita niyang pumutok pala ang labi ng binata. Tumama yata ang ngipin niya sa sa labi nito ng hilahin niya kanina.

“Bakit?” tanong nito.

Itinuro niya ang labi nito. Hinawakan nito ang sariling bibig at napansin ang dugo.

“Lumayo ka sa akin! Tama ang kaibigang manghuhula ng mommy ko. Isang babaeng nagsisimula sa letrang N ang pangalan ang magdadala sa akin ng kamalasan.”

“Nagkakamali ka, Vanessa ang tunay kong pangalan, kaya letrang V ang simula hindi N.”

“Ewan ko sa’yo. Bwisit ka!”

Kinuha nito ang bag at lumabas ng motel. Napaupo siya sa gilid ng kama. Nasapo niya ang mukha. Palpak!

Tinignan niya sa sarili sa salamin.