CHAPTER 49

"Kaya mo ba?" tanong ni Irish.

"Bakit hindi?" Naluluha pa ring sagot ni Daniel.

Lalong lumakas ang hikbi ni Irish sa sagot niya. Iyon ay kung sagot na maituturing ang isa ring tanong.

"Ikaw, kaya mo rin, di ba?" muling tanong ni Daniel.

"Sobrang sakit lang, Daniel. Kagabi mo lang sinabing mahal mo ako ta's ngayon, bumibitaw ka na! Bakit mo pa sinabi iyon kung di mo din naman pala kayang panindigan?"

"Puwede ko bang gamitin muli yung kinaayawan mong sagot ko?"

"Yung alin? Yung "I'm sorry" mo? Huwag na, kasi alam mong sobrang sakit ng ginawa mo sa akin. Sana hinayaan na lang ninyo akong mamatay nang nalunod ako sa ilog kung ganito rin lang naman pala ang gagawin mo sa akin."

Sasagot palang sana si Daniel nang tumunog ang cellphone ni Irish.

Huminga muna si Irish ng malalim. Number lang ang nag-appear sa screen ng phone niya. Kinansel na muna niya iyon.

Hanggang sa may nagtext.

"Ako to, si Kurt. Alam kong ngayon ka babalik ng Manila. Please answer my call."

Magrereply pa lang sana siya n