CHAPTER 48

Nadatnan ni Irish si Daniel na nag-aayos sa kanilang bagahe. Wala itong reaksiyon nang magtama ang kanilang mga paningin. Sinadya niyang tumabi dito. Tabi na naglapat ang kanilang katawan ngunit mabilis na lumayo si Daniel.

"Lahat ng gamit mo, nailagay ko na diyan sa bagahe mo. Maligo ka na nang makaalis na tayo. Nasa banyo na yung mga kakailanganin mo sa pagligo. Pagkatapos mong maligo, sunod ka na sa kusina nang makakain at aalis na rin tayo agad. Bilisan mo dahil ikaw na lang ang di pa nakakaligo." Seryoso nitong tinuran sa kaniya kasunod ng pagtungo niya sa pintuan ng kubo at aalis na parang gano'n na lang iyon.

"That's it?" pahabol na tinuran ni Irish.

"Yes, Miss Irish! That's it!" sagot ni Daniel. Umalis itong di na lumingon pa.

Pagkatapos nilang kumain at nakahanda nang umalis ay hinarap nila ang kanilang mga nakasama sa baryo para magpaalam.

Si Christian ay nagpaalam na din kay Nene, ang kapatid niyang sumunod sa kaniya na nag-aaral palang sa kolehiyo. Ibinilin niya dito ang k