Chapter 19

HINDI maka-get over si Kira nang malamang pumasa siya sa exam. Mag-aaral na rin siya sa college! Matagal na niya iyong gusto dahil sa kuwento ni Teacher Roy na maganda mag-aral ng college pero asahan daw umano ang hirap.

Dahil isang linggo na lang bago ang pasukan, araw-araw na ang tutorial niya at once a month na lang umano ang session niya kay Dr. Jean. Sabado ng umaga ay maaga siyang naligo dahil mamimili siya ng gamit sa school.

Pagdating niya sa kusina ay naroon si Dimitri at naghahanda ng sandwich. “Aalis ka ba?’ tanong niya rito.

“No,” tipid nitong tugon.

“Samahan mo ako punta ng mall,” nakangiting sabi niya.

“Si Manang Sonia lang ang makakasama mo.”

Napalis ang kaniyang ngiti. “Bakit ayaw mo akong samahan? Wala ka namang trabaho, eh.”

“I have a lot of works to do.”

“Hm! Bigyan mo na lang ako ng maraming pera!” hirit niya.

Binato siya ni Dimitri ng matalas na tingin. “Binigyan na kita ng twenty thousand. Matuto kang mag-budget ng pera, Kira. Stop buying nonsense stuff.