Chapter 28

KAMUNTIK nang ma-late si Kira dahil hindi siya ginising ni Dimitri. Nauna pa pala siyang nagising dito. Sandwich lang ang kinain niya. Dahil sa pagmamadali ay naiwan ang kaniyang laptop pero naisiksik niya sa bag ang librong binabasa at maliit na sketch book.

Problemado siya sa second subject nila dahil wala siyang laptop. Mabuti pinahiram siya ni Shaira kaya hindi siya na-zero sa activity nila. Sa hapon naman ay dalawa lang ang subject nila. Hindi muna siya umuwi at nagtungo sa opisina ni Luther. Babae naman na mataba ang nadatnan niya roon.

“Yes?” bungad nito. May suot itong salamin sa mga mata.

“Si Sir Luther po?” aniya.

“Lumipat na siya sa kabilang kuwarto.”

“Pinalitan n’yo po siya?”

“Uh, hindi. I’m also one of the counselors here.”

“Kayo na po ba ang kakausapin ko?”

“Kung si Sir Luther ang unang naka-assign to guide you, siya ang puntahan mo. Nasa kabilang room siya sa bandang kaliwa.” Ngumiti ito.

Tumango lang siya at lumabas. Kumatok naman siya sa kuwartong tinutukoy n