Chapter 36

MADILIM na nang nakauwi sila Kira. Kabado siya baka mainit na naman ang ulo ni Dimitri at pagalitan siya. Maingat siyang pumasok ng bahay at sana’y aakyat ng hagdanan ngunit napahinto siya sa gitna ng salas. Kumurap-kurap siya at iginiit na baka nagmamalikmata lamang siya.

Nainggit na naman kasi siya kay Shaira dahil nakita niya ulit ang pusa nito nang ihatid nila sa bahay ng mga ito. Binabangungot na ata siya at pati roon sa bahay nila ay may nakikita siyang pusa. Gray naman ang kulay nito, makapal ang balahibo at malaki.

Nang lumapit ito sa mga paa niya ay lalo siyang natulala. Kinuskos ng pusa ang ulo nito sa kaniyang binti, ganoon din ang katawan nito. Wari lumukso ang puso niya sa tuwa nang matanto na totoo ang kaniyang nakikita. May pusa na sila!

“Wow! Totoo ka ba, memeng?” Umuklo siya at kinarga ang pusa. Sobrang amo nito. May kuwintas pa ito at gold na pendant.

Tumingala naman siya sa hagdanan nang marinig ang yabag. Pababa na si Dimitri.

“Do you like the cat?” tanong ni