Chapter 38

“HINDI ka na puwedeng babalik sa bahay ninyo, Kira,” tanging nawika ni Dimitri.

Awtomatikong naglaho ang ngiti ni Kira. Inaasahan pa naman niya na papayagan siya ni Dimitri na makita ang dati nilang bahay.

“Bakit naman? Gusto kong makita ang bahay namin,” nakasimangot niyang usal.

“Wala ka nang dapat balikan sa bahay na iyon, Kira. Doon namatay ang parents mo, at maraming hindi magandang pangyayari na maaring magpalala sa sakit mo.”

“Pero palagi kong napanaginipan ang bahay. Hindi ako makatulog at gusto kong puntahan ang bahay.”

“No. Mas mabuting huwag mo nang isipin pa ang bahay.”

“Eh, hindi nga ako makatulog. Bakit ba ayaw mong maalala ko ang nakaraan?” may tampong gagad niya.

Matiim na tumitig sa kaniya si Dimitri. “Your past won’t help you recover, Kira. Kailangan mo munang gumaling mula sa trauma. Kung babalik ka sa bahay n’yo, babalik din ang trauma mo. Hintayin nating maging healthy ang utak mo para malabanan ang trauma.”

Gusto pa rin niyang ipilit ang kaniyang gusto. N