Chapter 37

KASABAY ni Kira si Dimitri na umalis ng bahay pero hiwalay sila ng kotse. Bago naman siya umalis ng bahay ay nilagyan niya ng pagkain ang plato ni Misty at may inumin. May ginawa rin si Dimitri na kahon na merong buhangin kung saan puwedeng makapopo si Misty.

Masaya siya dahil sinusuportahan siya ni Dimitri sa gusto niyang mag-alaga ng pusa. Kahit papano ay hindi na ito kontrabida. Pagdating sa classroom nila ay naikuwento kaagad niya kay Shaira na meron na siyang pusa.

Kahit sa lunch break ay pusa pa rin ang usapan nila ni Shaira. Kasalo nila sa tanghalian si Manang Sonia at tuwang-tuwa ito dahil may pusa na siya ulit.

“Maganda ba ang pusa mo, Kira?” tanong ni Sonia.

“Opo! Grey ang kulay niya, makapal ang balahibo. Ang cute-cute nga. At saka sabi ni Dimitri, mahal daw ang pusa na ‘yon,” aniya.

“Mabuti pumayag si Don na mag-alaga ka ng pusa sa bahay niya.”

“Pumayag na po siya. Siya pa nga bumili kay Misty.”

“Hm, malaki na talaga ang pinagbago ni Don simula noong kinuha ka niya.