Chapter 39

NAG-APURA nang kumain si Kira dahil excited na siyang magpaturo kay Dimitri kung paano lumangoy. Makaliligo na rin siya sa swimming pool. Masasarap ang niluto nitong pagkain kaya ganado siyang kumain. Magagaan naman sa tiyan ang mga ito dahil wala masyadong carbohydrates.

Nahuli siyang natapos kumain at siya na ang nagligpit ang mga kubyertos. May oras na sinabi si Dimitri kung kailan sila maliligo sa pool. Dahil busog pa, alas diyes magsisimula ang pagsasanay nila. Kahit isang oras lang, sapat na iyon sa kaniya.

Nauna na sa swimming pool si Dimitri at naliligo na. Nang matapos siya sa paghuhugas ng mga kubyertos ay tumakbo na siya sa labas. Halos magkandadapa pa siya sa pagmamadali.

Pagdating sa swimming pool ay kaagad siyang naghubad ng damit, tanging ternong itim na underwear lang ang kaniyang suot. Nagpapalutang sa tubig si Dimitri at nakapikit.

“Uy, Dimitri! Narito na ako!” tawag niya sa atensiyon nito.

Tila hindi siya nito narinig. Natutulog na ata ito sa ibabaw ng tubig. H