Chapter 32

NAKASIMANGOT na lumabas ng classroom si Kira dahil mababa ang score niya sa quest. Humabol sa kaniya si Shaira paglabas. Inakbayan siya nito.

“Ayos lang ‘yan, Kira. Makabawi ka rin sa susunod na quest,” sabi nito.

“Ayaw ko na mag-aral,” nanghihinang sabi niya.

“Huwag ka ngang magsalita ng ganyan!”

“Tama si Ferry, b*bo ako.”

“Hoy! Mas mahina naman ang utak ni Ferry, no. Pinapakopya lang siya ni Antonia na matalino, binabayaran niya. Kaya huwag kang paghinaan ng loob.”

Malapit na sila sa cafeteria pero hindi siya makapagpasya kung kakain. Nabusog siya ng chocolate na bigay ni Luther.

Mamaya ay kinalabit siya ni Shaira sa balikat. “Hindi ba asawa mo ‘yon, Kira?” anito.

Napalinga naman siya sa paligid. Nang makita si Dimitri na nakatayo sa gilid ng pintuan ng cafeteria, wari pinapalo ang dibdib niya. Ang lakas ng tibok ng kaniyang puso.

“Dimitri?” sambit niya.

“Asawa mo nga! Ang pogi talaga!” kinikilig na usal ni Shaira.

Humakbang na patungo sa kanila si Dimitri. Sinalubong na