Chapter 50

KAHIT maagang nahiga sa kama si Kira ay inabot pa rin siya ng madaling araw bago nakatulog. Hindi na kasi siya pinatahimik ng kaniyang agam-agam, nag-aalala kay Dimitri dahil hindi talaga ito umuwi. Wala siyang ganang kumain at panay ang tanong kay Manang Sonia kung tumawag si Dimitri.

“Hindi na siya tumawag ulit. Baka busy na siya,” tugon nito.

Nakaupo na siya sa harap ng lamesa at hindi pa rin ginagalaw ang pagkain. “Saan kaya siya natulog?” matamlay niyang untag.

“Nako, marami lang matutulugan si Don. Puwede rin siyang matulog sa opisina niya.”

Napa-paranoid na siya at sumagi sa kaniyang isip na baka may kasamang ibang babae si Dimitri. Naalala na naman niya iyong babae sa opisina na humalik kay Dimitri.

“Baka may kasama siyang ibang babae, Manang,” mangiyak-ngiyak niyang usal.

“Anon ka ba? Bakit mo naman naisip ‘yan? Hindi ganoong klaseng lalaki si Don.”

“Kasi humaharap na siya sa ibang tao, baka may nakilala siyang ibang babae at nagustuhan niya.”

“Nako! Batang ‘to talaga