Chapter 51

SUMIGLA na ulit si Kira dahil okay naman si Dimitri at hindi na galit sa kaniya. Araw ng Sabado ay hindi ito umalis at tinuruan ulit siyang lumangoy. Natuto na rin siya pero kailangan pa ng madalas na pagsasanay upang magtagal siya sa tubig.

Habang naliligo siya ay si Dimitri naman ang nag-iihaw ng ulam nila para sa tanghali. Natatakam siya sa amoy ng inihaw na hita ng manok at isda. Napaahon siya bigla at sumugod kay Dimitri. Ayaw na nitong maligo dahil umano’y nagugutom na.

“Wow! May barbecue!” sabik niyang tili nang makita ang tinuhog na karne ng baka na may kasamang gulay.

“Gusto mo bang tikman ito?” tanong naman nito. Hinango nito ang isang stick ng barbecue na naluto.

“Gusto ko!”

Dahil bagong luto ang barbecue, hinipan pa ito ni Dimitri bago siya sinubuan. Una niyang kinagat ang cube na karne. May kasama rin itong pinya.

“Hmmmm. Ang sarap! Gusto ko pa!” aniya.

Una nang hinango ni Dimitri ang anim na stick ng barbecue na tinawag nitong beef Hawaiian barbecue.

“Kunin mo na