TMST 35 - Full Responsibility

Nanatili ng tatlong araw ang pamilya sa isla para sa funeral. Nagkasundo ang parehong panig na doon na lang din sa isla ilibing ang anghel ng pamilya. Pagkatapos ayusin ang lahat, dinaluhan ng ilang bisita dapat sa kasal ang burial.

Sa ilang araw na nagdaan hindi nakita ng pamilya na umiyak si Lucky. Kahit noong magising ang dalaga at nalaman ang pagkawala ng baby, walang kahit isang patak ng luha ang itinangis nito. Hindi nila makausap ang dalaga dahil lagi itong tulala, at hindi nagsasalita sa kahit na sinong kumausap dito.

"Napag-usapan na namin ito ni Gary, at sa tingin namin ng asawa ko ay hindi na dapat na ituloy pa ang kasal ng mga anak natin," malungkot na turan ng ina ni Lucky kay Beth.

Kaharap ng ginang si Genesis at ang magulang ng lalaki. Mag-isang kinausap ni Carol ang pamilya ng groom dahil sinamahan ng asawa niya ang anak, na hindi nila magawang iwan. Natatakot silang bigla na lamang itong magkaroon ng emotional breakdown dahil sa pagkawala ng baby nito.

"I totally