Chapter 16

CASSY

Tinititigan muli ako ni Sir Zach habang hindi pa siya nagsasalita sa harapan ko. Muli kasi siyang tumahimik at hindi ko alam kung bakit. Wala naman siguro siyang kailangan pa na pag-isipan pa sa isasagot niya sa akin. Pumayag na nga siya sa pakiusap ko sa kanya, 'di ba? Pag-iisipan pa ba niya kung ano ang ipagagawa niya sa akin? Dapat alam na niya kung ano 'yon. Hindi na dapat niyang pag-isipan pa 'yon.

Kita ko sa kanyang lalamunan ang paglunok niya ng kanyang laway nang sunod-sunod. Nagpakawala muli siya nang malalim na buntong-hininga bago sumagot sa akin.

"Ang kapalit ng pagpayag ko na huwag kang isumbong sa mommy ko sa pagnanakaw mo ng kanyang necklace ay—"

"Ano po, Sir Zach?" medyo kinakabahan na tanong ko sa kanya. Baka kasi hindi ko kayanin ang ipagagawa niya kaya ganoon ang nararamdaman ko habang tinatanong 'yon sa kanya. Nangako ako sa kanya na kahit ano 'yon ay gagawin ko. Hindi dapat ako tumanggi o magreklamo sa kanya. Iyon ang kailangan ko na gawin. Hindi ko dapat s