Chapter 55.1

“Mommy, who's that?” tanong ni Herald kung kaya’t binalingan ko siya. Ngunit nagulat na lang ako nang biglang tinulak ni Jemuel pabukas ang pinto.

“Surprise!” sigaw niya.

At sa hindi inaasahang mabubungaran ay napahinto siya. Unti-unti ay kumupas ang malawak na ngiting nakapaskil sa kaniyang mga labi. Puno ng kaguluhang tumingin sa akin si Jemuel. Wala akong nagawa kundi ang ilayo sa kaniya ang aking paningin at inilipat kay Alas na ngayon ay nakapukol na rin ang paningin sa akin. Ang tinging itinapon ko sa kaniya ay isang pakiusap. Pakiusap na siya na ang bahalang magpaliwanag kay Jemuel sa nasaksihan niya ngayon.

“Tito Jemuel!” Ang sigaw na iyon ni Herald ang tanging bumasag sa katahimikang iyon.

Humarap na lang si Jemuel sa an