Chapter 77

NAMUO ANG KATAHIMIKAN sa buong paligid pagkatapos ng rebelasyong iyon. Nakaupo halos ang lahat sa may sulok at tila lupaypay. Hindi na nila kami nagawang talian, busalan o takpan man lang ang aming mga mata. Maliwanag na rin ang buong paligid kung saan nakikita ko si Shaelza na nakaupo rin sa sulok at nakahilig ang ulo sa semento habang sinusuklay ng kamay ang buhok ng natutulog na si Herald, nakahiga ito sa mga binti niya. Kinuha niya sa akin kanina si Herald nang biglang mangalay ang mga binti ko dahil dalawa silang nakahiga ng kakambal niya. At kami ni Hera ay nasa gitnang bahagi kung saan ngayon ay nasa kanlungan ko ang aking anak na babae. Samantalang si Jemuel naman ay nakaupo sa dulong bahagi at nakapikit ang mga matang nakasandal sa konkretong dingding.

Nang kunin niya kanina si Herald ay tumanggi ang bata at kay Shaelza tumungo nang alukin din ng huli. Nakita ko ang pagguhit ng sakit sa mga mata n