36 - Henli

Simula nung nakausap niya si Zyd sa Complex, hindi na naman ito umuwi. Ang sabi nito, mag-uusap sila some time later pero walang Zyd na lumitaw! Natapos na lang ang isang linggo at hindi na rin siya nagpunta kung saan nagpapractice at may game ito. Hinayaan niya ang lalaki kung anong gusto nito sa buhay. Well, it's just a plain casual sex. Tulad nung unang may nangyari sa kanila, gano'n. After all, it's Canada. Mga tao rito, parang laro lang ang sex at dapat sanayin niya ang sarili. Hindi siya special para isiping mag-iiba ang tingin sa kaniya ni Zyd. Kalokohan! Hindi na rin siya nanonood ng NHL game. For what? Mabibwesit lang siya sa pagmumukha ni Zyd na lakas ng loob iwasan siya. 

Maaga pa lang ay nagpaalam na siya kay Lula at Tacu na aalis, pupunta siya ng Coffee Shop tulad ng kaniyang ginagawa lagi. Si Hera at Trixie lang naman kausap niyang matino pero hindi niya magawang makapagkwento dahil itatabil lang ni Trixie sa lahat ng tao pag nagkataon.