55 - Aerush Li

Natatawang pinugpug ng halik ni Lianne ng ang batang karga-karga niya. Ang cute ba naman kasi nito! Isali pa na sobrang cute nitong tumawa at nakakawala ng stress.

"How are you baby, ha? Why so cute talaga? Hmm? Ang cute mo!" pinanggigilan niya ang kawawang pisngi nito at leeg habang humahalakhak naman ito.

Parang dati lang, ang liit pa nito at karga-karga pa niya. Ngayon, ang bilis ng panahon. Napangiti siya at hinaplos ang makapal nitong buhok.

"Hoy babae! Inaaswang mo na naman ang anak ko." nakabusangot ang mukha ni Hera nang lapitan siya nito. Galing ito sa restroom at sandaling umihi. 

Ang lakas ng tawa niya at pabirong binatukan ang babae, "Halatang hindi ka madamot sa anak mo, no?"

"Malamang! Ang gwapo-gwapo kaya ng anak ko. Tatay ba naman niya ay American, sinong 'di gwapo ang lahi?"

Nag-ikot siya ng mata at inismiran ito. Totoo naman talaga. Nakapag-asawa ito ng Americ