BOOK 4: 1 - Capt. Zyd x Lianne

Panay lagok ni Lianne sa kopitang hawak habang pinagmamasdan ang lalaking kanina pa niya tinitigan at pinagmamasdan sa malayo. Pakshet! Kating-kati na siya na lapitan ito at sampalin ng mag-asawang sampal.

“Hoy babae ka, maglalasing ka ba?” inis na tanong ng pinsan niyang si Sheena.

Umiling siya habang panay pa rin ang titig niya sa lalaking nasa kabilang couch nakaupo kasama ang mga ka team nito sa laro. Nagsisiyahan ang mga ito sa pag-iinom pero maliban sa mga kasama nitong may kaniya-kaniyang babae, ito ay wala. Nanatili lang itong solo at isang beer sa kamay habang tumatawa.

“Bakit mo ba tinititigan 'yan si Zyd Caiden McCluskey? Oo, alam natin na napakagwapo niya at subrang hot. Aside from that, captain siya ng hockey pero insan, may jowa 'yan at kalat na kalat sa social media na magpapakasal na sila.”

Duh! I know that!

Nilagok niya ulit ang laman ng bote niya. This time hindi na sa kopita. Napatuptup na lamang sa bibig si Sheena na nakatingin sa kaniya at hindi makapaniwala.