CHAPTER 47

Pananghalian...

Pagkarating namin galing sa palayan ay may nakahanda ng pagkain sa mesa. Kompleto na rin ang mga gagamitin at kami na lang ang kulang upang masimulan na ang chibugan.

Ngayon lang ulit kami nagkasalo ni Mama sa iisang mesa. Ngayon lang ulit kami nananghalian na may kasamang mga bisita.

"Kain ng kain, 'wag kayong mahihiya at libre naman yan," sabi ni Mama bago nilagyan ng tinolang native na manok ang pinggan ni Cherry. "Ikaw kumain ka ng marami kepayat-payat mo sa paningin ko."

"Naku Ma salamat po," magalang na sagot naman niya saka ngumiti. "Ang totoo ho niyan ay diet ako, pero dahil ang sarap ng tinola nyo wala na munang diet ngayon."

"What is this?" nagtatakang tanong ni Lion habang hawak-hawak ang talbos ng kasoy. "Leaves? I mean, puwede ho ba itong kainin?"

"Kuu, 'yan ang mahirap sa mga laki sa yaman." Kumuha si Mama ng isang talbos saka punakita kay Lion kung paano kainin iyon. "Isawsaw mo sa bagoong at haluan ng kamatis... imasen!"

Halos lahat sila ay napamaang k