CHAPTER 60

Naging napakahirap para sa akin ang bawat araw sa probinsya. Each day I woke up feeling weak. I feel drained. Kahit na nariyan si Mama upang alalayan ako at alagaan araw-araw dahil sa maselan na pagbubuntis ko'y mahirap pa rin talaga.

May mga araw na hinahanap-hanap ko ang ingay ng Club-V. Ang mahaharot na tugtugin doon. Ang pakiramdam sa loob ng aking silid na pribado. Higit sa lahat, ang presensya ni Alexis.

Hindi ko alam kung bakit, pero parang gusto ko siyang makita. Gusto ko siyang mahawakan o maamoy man lang. Siguro ay dala lang ng pagbubuntis ko kaya ganito ang aking pakiramdam.

Halata na rin ang tiyan ko na dati ay halos impis palang. Nakakabagot ang maghintay pero parang napakabilis naman ng araw. Ang dating isang linggong pananatili ko rito sa probinsya, ngayon ay halos dalawang buwan na. At sa loob ng dalawang buwan na iyon, binibisita pa rin ako nina Red, Cherry at Ace. Minsan pa nga ay kasama nila ang buong barkadahan nila, kaya lang laging wala ang gusto kong makita.

Wal