Chapter 12

"Maaga ka yata. Dinagdagan mo ba ng isang oras ang 1 hour advance set mo sa relo? Mas maaga pa ang pagdating mo kaysa sa ini-expect ko ah'!"

Inihagis lang ni Angielyn sa dumadadang kaibigan ang dalang backpack. Mabuti na lang at madalian nito iyong nasalo.

"Hindi ako nagbukas ng shop ngayon. Pina-day off ko si Merna. Wala rin akong gana na makipaghalubilo ng maraming tao ngayon kaya napagdesisyunan ko na magpahinga na lang sa bahay. Kaso nga lang, every second na dumaan, nabo-bored ako. Wala naman akong ginawa pero nanlalata ang katawan ko," mahabang salaysay niya kay Air. "Teka muna. May gamot ka ba d'yan para sa pananakit ng dede? Sumsakit kasi itong dede ko. Kanina pa." 

Dala ang stethoscope na nakasampay sa leeg nito, nilapitan siya ni Air. Akala niya ay ilalapat iyon ng kaibigan sa kanyang dibdib pero lumihis ng direksyon ang kamay nito. Imbes na sa tapat ng dibdib ay inilapat ni Air ang stethoscope sa kanyang noo. Litong tiningnan niya ang nakapikit n