Kabanata 45

“Pagpasensyahan niyo na at hindi naging maganda ang unang impresyon ko sa inyo mga iha at iho.” paghingi ng paumanhin ni Lordes sa mga galanteng tao na kasama ni Celeste ngayon sa kubo-kubo niya.

Nag-unahan ang tatlo sa pagtugon at nangibabaw ang boses ni Valentina. “Tita, ‘wag niyo po ko kami masyadong intindihin. Nauunawaan namin ang sitwasyon niyo ngayon. Wala po kami rito para pagsilbihan niyo, dapat nga'y kabaliktaran no'n dahil ang pakay namin ay makuha ang pabor niyo.” magandang ngiti ang pinakita ni Valentina.

Hindi iyon pamilyar na pag-uugali ni Valentina para kina Luca at Semion. Hindi rin sila sanay sa mababang tono ng boses ng kanilang ate.

“Ay, naku! Kayo ay mga bisita ko, natural lang na pagsisilbihan ko kayo,” gusto sanang tumayo ni Lordes mula sa kinauupuan sa kahoy na upuan nang may mapagtanto. Nahihiya siyang napakamot sa ulo. “Pero pasensya na, wala kasing kinita ang anak ko na si Felip sa bukid ngayon, kaya wala rin akong maihahanda sa inyo.”

“Tita, hindi niyo po k