Kabanata 83 - The Wedding Day

A MONTH LATER…

Pinagmamasdan ni Celeste ang kanyang sarili sa harapan ng salamin suot-suot ang wedding gown. Simple lamang ang koloreteng nakapinta sa kanyang mukha, ang umaalon niyang kulay-kapeng buhok ay nakatirintas at nakapusod sa kanyang likod kung saan din nakadikit ang puting belo. Hindi niya maiwasang mapangiti sa paghanga sa sarili. Hindi ito ang unang beses na siya’y ikinasal, ngunit ito ang unang beses na nagandahan siya sa sarili habang nakasuot ng pang-kasal.

Nagkikinangan ang marangyang desensyo ng gown na bumabagay sa maputla’t maputi niyang balat. Nagpaikot-ikot pa siya sa harapan ng malaking salamin, hindi makuntento sa panonood sa sariling kagandahan ngayong araw. Wala pang isang oras ay magsisimula na ang seremonyas. Hinihintay na lang na mahanda na ang bisita at lahat-lahat sa pupuntahang simabahan bago siya umalis.

“Are you happy, Celeste?” may hindi makubling ngiti na lumapit si Valentina sa kanya.

Mas napangiti pa siya ng malaki na humarap sa babae. “Ate Val, m