Chapter 119

Isang linggo na rin ang nakakaraan nang huli kong makita si Michael sa opisina. Pagkatapos no'n ay hindi ko na rin siya nakita pa. Basta isa lang ang sigurado ako, hindi ako basta iniwan lang ni Michael. May dahilan siya. At naniniwala ako roon dahil sa iniwan niyang sulat para sa akin.

Napahinga ako ng malalim bago ko tinignan ang kanina ko pang hawak na papel. Nakasulat dito ang gustong iparating sa akin ni Michael noong araw na 'yon.

Hindi ko alam kung bakit ayaw niyang magsalita. Kung bakit mas pinili na lang niyang isulat ang sasabihin niya. Nalilito ako, naguguluhan. Ano ba ang nangyayari sa iyo, Michael? At nasaan ka ba?

"Mrs. Seth, tulala ka na naman," narinig kong sabi ng isang sobrang pamilyar na boses. Dahil sa loob ng halos dalawang linggo, dalawa lang naman sila ang pumupunta rito para kumustahin ako o 'di kaya ang sunduin ako para ihatid sa Seth Corporation.

Tumawa naman ako upang pagbati sa kanya.

"Mrs. Seth ka d'yan," pilit ang