Chapter 17

Agad lumipas ang mga araw nang hindi niya namamalayan. Naaprubahan na ang resignation ni Kelly ng kaniyang Boss at pupunta na siya sa syudad. Lahat ng mga dadalhin niyang gamit ay maayos na nailagay na niya sa kaniyang maleta. Ang pamilya niya at ang kaibigang si Arthur ay nasa ibaba na at hinihintay siyang pumanog.

Sa kaibuturan ng puso niya ay may bumubulong na huwag siyang tumuloy pero mas malakas ang sigaw ng utak niya na kailangan niyang tumuloy para magbayad ng utang. Hindi naman masasabing utang dahil siya ang gumiit na bayaran niya si Ryker. At tungkol sa bagay na 'to ay hindi niya binanggit sa pamilya niya. Gusto niyang sarilinin na lang para hindi na lumaki. Kilala niya ang relatives niya at baka hindi sila titigil hangga't 'di nila binabayaran ang ginastos ng binata.

Hinila na niya ang maleta at pumanaog. Hindi pa man siya nakakababa ay nakita na niya ang pamilya niya sa sala na napatingala sa kaniya. Ngunit ang unang nakuha ng atensiyon niya ay ang binata na nakaupo at kau