Chapter 33

"Congratulations, Vici at Veni!" masayang sigaw ko sa kanila. Dahil Recognition Day nila ngayon at si Vici ang valedictorian nila at si Veni naman ay nasa achiever. Pumalakpak pa ako dahil sa tuwa at saka ko sila niyakap. "Ang galing niyo pareho! Sobrang proud si Ate sa inyo!" Niyakap ko pa sila nang mas mahigpit ngayon.

"Ate, hindi po ako makahinga!" Pinutol ko naman ang pagkakayakap ko sa kanila at hindi namin maiwasang tatlo na matawa dahil sa inaakto ko ngayon.

"Ano ba kayo! Proud lang si Ate sa inyo dahil achievement ko rin na napag-aaral ko kayo at kahit papaano ay naibibigay ko ang mga pangangailangan niyo't ngayon valedictorian at achiever!" masaya kong sambit sa kanila. Narinig ko naman ang tawa nila at naririnig ko pa ang ingay ng medal nila dahil pagalaw-galaw sila. Ang dami nilang medal lalo na si Vici, si Veni ay marami rin at mula ito sa mga patimpal