Chapter 53

"Tandaan mo ang pipiliin mo ngayong araw, dahil kung hindi..." Nilapag niya naman ngayon ang baril sa harap ng lamesa at doon na ako nanginig nang sobra, at nawawalan na ako ng pag-asa dahil dapat sa ngayon ay narito na ang tulong sa akin. Sinubukan ko ang sarili ko na maging kalmado sa harapan niya at kahit nanginginig na ang paa't kamay ko, pinagsama ko lang ang mga ito para makontrol ko at para hindi ito makitang nanginginig.

"Idi-dismiss mo ang kaso ng anak ni Mr. Villocorte o kamatayan, at buhay ang iyong makukuha. Malapit na ang kasong 'yon, pag-isipan mo nang mabuti at mayroon ka na lang tatlong araw para magdesisyon bago magsimula 'yon." Tumayo naman na siya ngayon at saka tinanggal ang mask niya, ngumiti naman siya nang nakakaloko at kinilabutan ako sa ngiti niyang iyon.

Iyong mukha niya rin na mas nakakadagdag ng takot kasama ng ngiti niyang iyon. Gusto