CHAPTER 13- OPPOSITE

Ipinarada ko na nga ang aking kotse sa GC Camp parking lot. Tinapunan ko ng tingin ang lalaking nanatiling nakapikit pa rin. Mukhang nakatulog na yata siya.

"Faller Coleman," panggigising ko sa kanya sabay yugyog ng kanyang balikat.

"What?!" asik niya na ikinangiwi ko.

Suplado talaga! Sarap ipalapa sa mga butete, eh. Pasalamat lang talaga siya at gusto ko siya dahil kung hindi ay kanina pa siya nawalan ng hininga dahil sa napaka-antipatiko niya!

"Nasa camp na tayo, Sir. Bumaba ka na. Ang kotse mo nasa MHIS pa," paalala ko pa.

Napakamot naman siya sa noo. "Ibalik mo ako sa MHIS," utos niya pa sa akin.

Napaawang na naman ang bunganga ko dahil sa sinabi niya.

"Butete ka naman my loves, my babe, my honey bunch, sweet cake. Ayoko ng bumalik, 'no? Ikaw na lang. Mag-commute o maglakad ka papunta doon. Kung hindi man kaya ay ipakuha mo na lang sa available na agent diyan," suhestiyon ko pa pero naisip ko rin na lahat ng agent ay may trabaho rin naman. Hindi na nila responsibilidad na kuni