CHAPTER 14- EASY TO GET

Aaminin ko namang sobrang clingy ako pagdating sa kanya, ibig sabihin pala ay easy to get ako? Gano'n ba iyon?

Tuluyan akong nanlumo. Eh, kasalanan ko bang masyado akong tapat sa nararamdaman ko para sa isang tao? Na kapag alam kong gusto ko ay ipaglalaban ko talaga at gagawin ko ang lahat para makuha lang iyon?

Baka mga kailangan ko ng baguhin ang mindset kong ito. Hindi na nakakatuwa.

Napabuntonghininga na naman ako at dahan-dahang tumingin sa kanya. Napaayos ako ng upo nang mapagtantong nakatitig lang din siya sa akin.

"Oo na! Easy to get na ako. Psss!"

Naiinis akong lumabas ng kotse at walang lingong likod na nilisan ang parking lot. Agad na dumiretso ako sa Flat at nagkulong sa kwarto.

Pabagsak akong nahiga sa kama at parang batang pumulahaw ng iyak para ilabas lahat ng hinaing ko sa mundo.

"Kasi naman! Bakit ipinanganak akong easy to get?! Hindi ba akong pwedeng maging mahinhin? Morena? Honest, iyong hindi itinatago ang mga manliligaw? Sana naging sakto lang din ang ganda at ta